Los cubos d'Ibarrola
Esta ye una semeya d'un sitiu de Llanes que ta per un llau del puertu. Llámenlos "Los cubos de la memoria", fueron pintaos por un pintor vascu llamáu Agustín Ibarrola. Ye una idea orixinal que dio un alderique mui grande. Lo que fixo Ibarrola foi dibuxar y pintar con dellos motivos bloques d'hormigón que agora tienen bastante visita turística. A parte de los monumentos que se puean ver ellí, una visita peles cais de llanes siempre ye prestosa. La semeya ta fecha dende los cubos mirando pal sablón. El sablón ye la playina de Llanes, qu'en branu ta hasta riba, nun se cueye de xente qu'hai.
Llanes ye bien guapo pero n'inviernu nun hai un alma, solo les cuatro persones que viven ellí.
Préstame esti sitiu porque ye perguapu, mui orixinal y mui tranquilu. Magar qu'hai xente que nun sabe aprecialo y ve cuatro bloques d'hormigón mal pintaos, vense vistes úniques dende ellí, si mires p'atrás los montes más altos de asturies, el mazucu y el cuera,si mires pa un llau vese Cué,un pueblín pequeñu tamién con playina y de frente vese el mar infinitu.
Esbilla
del.icio.us